Փարիզում ահաբեկչությունների ժամանակ մահացած աղջկա հայրը դատի է տվել Twitter, Google եւ Facebook սոցիալական ցանցերին «Իսլամական պետության» քարոզչությանն աջակցելու համար։ Այս մասին հայտնում է TMZ–ը։

Ռեյնալդո Գոնզալեսը, որի դուստր Նոհեմին սպանվել էր ահաբեկիչների ձեռքով, կարծում է, որ սոցիալական ցանցերը ԻՊ–ին թույլ են տվել դառնալ արդիականության ամենասարսափելի ահաբեկչական խմբավորումը։

Հայցվորը սոցցանցերին մեղադրում է անփութության մեջ, քանի որ նրանք թույլ են տալիս գրանցել ահաբեկիչների էջերը եւ օգնում են նրանց տարածել ծայրահեղական գաղափարներ։ Բացի այդ, նա YouTube–ին կասկածում է գրոհայինների տեսանյութերի միջեւ գովազդից եկամուտ ստանալու մեջ։