Հայաստանի եւ Ադրբեջանի միջեւ հակամարտության պատճառով Հռոմի Պապ Ֆրանցիսկոսը հրաժարվել է մեկ այցի շրջանակում այդ երկու երկներն այցելելուց, հայտնում է Rome Reports–ը։
Հռոմի Պապը հունիսի 24-26–ը կայցելի Հայաստան, իսկ հոկտեմբերի սկզբին՝ Ադրբեջան եւ Վրաստան։
«Առաջիկա այցի ժամանակ Պապը կփորձի առերեսվել Կովկասյան տարածաշրջանում լարվածությանը, որն առաջացել է Հայոց ցեղասպանության ճանաչմամբ եւ թուլացնել այդ երկրի ու Թուրքիայի միջեւ հարաբերությունների լարվածությունը։ Խոր Վիրապի եկեղեցուց Պապը կկարողանա տեսնել հայ–թուրքական փակ սահմանն ու հիանալ Արարատ լեռով»,– գրում է պարբերականը։
«Պապի այցը ցույց է տալիս, որ Հռոմի կաթոլիկ եկեղեցին մոտ է բոլորին եւ հաստատում է, որ մեր եկեղեցիների միջեւ ոչ միայն բարեկամություն է, այլ նաեւ հավատքի եւ հարգանքի վրա հիմնված խորը հարաբերություններ»,– ասել է Հռոմում Պապի հայկական քոլեջի ղեկավար հայր Գրիգոր Բադիչահը։