Ռուսաստանի հավաքականի նկատմամբ 3-0 հաշվով հաղթանակը, որն օգնեց Ուելսի հավաքականին B խմբից առաջին տեղով 1/8 եզրափակչի ուղեգիր նվաճել, Գարեթ Բեյլը համարում է իր կարիերայի լավագույն հանդիպումներից մեկը: Այս մասին Ուելսի հավաքականի հարձակվողը լրագրողներին ասել է խաղից հետո:
«Դժվար է նկարագրել: Անհավատալի զգացողություն էր: Կարծում եմ՝ հաշվի առնելով խաղի լարվածությունը, մեր թիմի խաղը թերեւս լավագույններից էր իմ մասնակցությամբ հանդիպումներից»,- ասել է Բեյլը:
Անգլիայի հավաքականին 1-2 հաշվով պարտվելուց հետո Ուելսը դժվար կացության մեջ էր հայտնվել, սակայն, Բեյլի խոսքով՝ այդ պարտությունից քաղած դասերը իրենց օգնեցին ջախջախել Ռուսաստանին Թուլուզի մարզադաշտում:
Ծովից ծով ինտերնետ ռոմինգում Ucom-ի հետ Մինչև սեպտեմբերի 15-ն օգտվեք շարժական ինտերնետից 39 դրամ/ՄԲ և մուտքային զանգերից 150 դրամ/րոպե սակագներով նշված ծովափնյա երկրներում: Ամբողջական ցանկը` այստեղ |
«Անգլիայի հետ խաղից հետո մենք ասում էինք, որ պետք է ավելի լավ պահենք գնդակը, եւ մենք դա արեցինք այսօր»,- ասել է Ռեալ Մադրիդի աստղը:
Բեյլը նշել է, որ հաղթանակն իրենց անհավատալի զգացողություններ է պարգեւել, սակայն էլ ավելի լավ զգացողություն է խմբում առաջինը լինելը:
Բեյլի կարծիքով՝ իրենց լավ խաղը պայմանավորված էր նրանով, որ գիտեին մրցակցի թերությունները:
«Մենք պարզապես շատ լավ էինք խաղում: Մենք լավ էինք նախապատրաստվել, գիտեինք՝ ինչ սպասել, իսկ մեր մարտավարությունը գերազանց էր»,- ասել է նա:
Նշենք, որ Եվրո 2016-ի լուսաբանման գլխավոր հովանավորն է UCOM ընկերությունը:
Վերա Մարտիրոսյան Թուլուզից