Հայաստան կատարած այցի ընթացքում Հռոմի Ֆրանցիսկոս պապը դատապարտեց այն, ինչն Օսմանյան կայսրությունում հայերի ծրագրված ցեղասպանություն կոչեց: Այս մասին գրում է Associated Press գործակալությունը:
Հոդվածում նշվում է, որ իր խոսքում Պապը հանպատրաստից ցեղասպանության բառն ասաց՝ այն ավելացնելով նախապես պատրաստված տեքստին: Ըստ գործակալության, Ֆրանցիսկոս պապը 1915-ի իրադարձությունները ցեղասպանություն կոչեց Հայաստան այցի առաջին իսկ օրը:
«Ֆրանցիսկոս պապը, որը երբեք չի ամաչում իր կարծիքն արտահայտել, նախագահական պալատում ունեցած ելույթում վերջին պահին ավելացրեց այդ բառը՝ դիմելով նախագահ Սերժ Սարգսյանին, քաղաքական եւ կրոնական առաջնորդներին, ինչպես նաեւ դիվանագիտական կորպուսի ներկայացուցիչներին: Նրանք Պապին պատասխանեցին հոտնկայս ծափահարություններով»,- ասված է հոդվածում: