Հռոմի պապը Հայաստան այցի ընթացքում «ցեղասպանություն» բառը չօգտագործելու որեւէ պատճառ չուներ: Այս մասին հունիսի 24-ին տեղական եւ արտասահմանյան լրագրողների հետ ճեպազրույցում հայտարարեց Սուրբ Աթոռի մամուլի գրասենյակի ղեկավար Ֆեդերիկո Լոմբարդին՝ անդրադառնալով Անկարայի հետ Վատիկանի հարաբերությունների վատթարացման շուրջ հարցին:
«Որեւէ խնդիր չկա: Կարծում եմ, որ ողբերգություն է տեղի ունեցել: Իրականությունը հստակ է, մենք երբեք չենք ժխտել այն: Այո՛, Պապն օգտագործեց «ցեղասպանություն» բառը: Նա ասաց 20-րդ դարի առաջին ցեղասպանություն»,- ընդգծեց Ֆեդերիկո Լոմբարդին: