Հռոմի Պապը նորից արտասանեց «Ցեղասպանություն» բառը։ Դա նորից վեճ է բացելու Թուրքիայի նախագահ Էրդողանի հետ։ Այս մասին գրում է Der Spiegel գերմանական պարբերականը՝ անդրադառնալով Երեւանում Հռոմի Պապի ելույթին։
«Երեւան կատարած այցի ժամանակ Ֆրանցիսկոս Պապը հայերի հալածանքները ցեղասպանություն որակեց։ Պապը եւս մեկ անգամ Առաջին համաշխարհային պատերազմում տեղի ունեցածը այդ եզրով անվանեց՝ հաստատելով մեկ տարի առաջ իր ասածը։ Այդ ողբերգությունը, այդ ցեղասպանությունը դարձավ անցյալ դարի ողբերգությունների շարքում առաջինը»,– մեջբերում է թերթը Պապի բառերը։
«Դրանով Թուրքիայի հետ վեճ է սկսվելու։ Անկարան դեռ մեկ տարի առաջ հետ էր կանչել Վատիկանում իր դեսպանին այն բանից հետո, երբ Ֆրանցիսկոս Պապը խոսել էր Հայոց ցեղասպանության մասին»,– նշում է թերթը։