Հռոմի Սրբազան քահանայապետ Ֆրանցիսկոս Պապը եւ Ամենայն հայոց կաթողիկոս Գարեգին Բ-ն ժամանել են Գյումրի: Հայ առաքելական եկեղեցու եւ Հռոմի կաթոլիկ եկեղեցու առաջնորդներին Հայաստանի երկրորդ քաղաքում ողջունել են հազարավոր հավատացյալներ, այդ թվում արտերկրից եկածներ: Նրանցից շատերը Գյումրի էին եկել նախապես՝ Հռոմի Պապին տեսնելու համար:
Նշենք, որ Գյումրիում Հռոմի Ֆրանցիոսկոս Պապը պատարագ կմատուցի Վարդանանց հրապարակում: Դրանից հետո Հռոմի Պապը կուղեւորվի Հայ կաթողիկե «Տիրամայր Հայաստան» եկեղեցու Պողոսյան կրթական կենտրոն: Այստեղ Հռոմի Պապը կճաշի, կհանգստանա հատուկ իր համար պատրաստված սենյակում: Կրթական կենտրոնի աշխատակիցները նվեր են պատրաստել Հռոմի Պապի համար՝ երկու անտուն որբերի բրոնզե արձանիկ:
Երեկոյան Հռոմի Պապը Երեւանում էկումենիկ արարողություն կանցկացնի եւ աղոթք կբարձրացնի հանուն խաղաղության:
