Առաջատար համաշխարհային լրատվամիջոցները շարունակում են ուշադիր հետեւել Հռոմի Պապի հայաստանյան այցելությանը։ Բնականաբար ամենամեծ ուշադրությունը սեւեռված է Հայոց ցեղասպանության թեմային։

Նախքան պոնտիֆիկոսի այցը Հայաստան, լրատվամիջոցներին հատկապես հետաքրքրում էր այն փաստը, թե Պապը կարտասանի՞ արդյոք ցեղասպանություն բառը՝ լինելով հայկական հողի վրա։ Նախօրեին Պապի կողմից հայոց ջարդերը նորից ցեղասպանություն անվանելը փոխեցին Հայաստանում պոնտիֆիկոսի՝ Ծիծեռնակաբերդ կատարած այցին վերաբերող հրապարակումների վերնագրերը։

Այցելելով Հայոց ցեղասպանության զոհերի հուշահամալիր՝ Ֆրանցիսկոս Պապն ընդգծեց, որ չի կարել մաքրել հիշողությունը, գրում է The Telegraph–ը։

Ամերիկյան NBC հեռուստաընկերությունը նշում է, որ Հայաստանում արտասանելով ցեղասպանություն բառը՝ պոնտիֆիկոսը ռիսկի է դիմում առաջ բերել Թուրքիայի զայրույթը։ «Ֆրանցիսկոս Պապը ազդված էր երեւում Սերժ Սարգսյանի եւ Հայ առաքելական եկեցեցու ղեկավարների հետ աղոթքի ժամանակ»,– ասված է հոդվածում։ Նշվում է, որ Թուրքիան անմիջապես արձագանել է Պապի բառերին։ Associated Press–ը նշում է, որ Պապն աշխարհին կոչ է արել չմոռանալ եւ նվազեցնել Օսմանյան կայսրությունում հայոց ջարդերի նշանակությունը։

Reuters–ը նույնպես մանրամասն անդրադարձ էր կատարել Ծիծեռնակաբերդ Պապի այցին՝ նշելով, որ արարողությունից հետո պոնտիֆիկոսը շփվել է հայ որբերի սերունդների հետ, որոնց 20-րդ դարի սկզբին օթեւան էին տվել Հռոմի հարավում Պապի նստավայրում։