Այն բանում, որ Ադրբեջանի ռազմական բյուջեն այս տարի ավելանալու է եւս 10 տոկոսով, կան որոշակի սպառնալիքներ, լրագրողների հետ զրույցում հայտնել է Հայաստանի պաշտպանության նախարար Սեյրան Օհանյանը:
«Սպառնալիքը միշտ կա եւ մենք պատրաստ ենք դրան: Մենք միշտ պատրաստ ենք գործել բարդագույն իրավիճակներում»,- հավաստիացրել է նախարարը:
Ընդ որում, նա ընդգծել է, թե Հայաստանը չի մտել սպառազինությունների մրցավազքի մեջ: «Դրան մենք հակադրում են մեր զինված ուժերի որակն ու մարտունակությունը»,- ասել է նախարարը՝ հավելելով, որ այդուհանդերձ, Հայաստանը ոչ պակաս ուշադրություն է դարձնում սպառազինությունների հարցին, եւ արդեն համապատասխան հայեցակարգ է մշակվել: «Հայաստանն անում է ամեն ինչ, որ հետ չմնա այդ մրցավազքում»,- ասել է Օհանյանը: