Իսպանական Տերուել քաղաքում կորիդայի ժամանակ ցլամարտիկ Վիկտոր Բարիոն մահացել է: Սա ցլամարտիկի մահվան առաջին դեպքն է 1985 թվականից ի վեր: Այս մասին գրում է Gazeta-ն՝ վկայակոչելով BBC-ն:
Ցուլի հետ Բարիոյի մարտը ցուցադրվել է ուղիղ հեռարձակմամբ: Կենդանին 29-ամյա տղամարդուն օդ է նետել եւ կոտոշներով ծակել նրա կրծքավանդակը:
Կորիդայի կողմնակից Իսպանիայի վարչապետ Մարիանո Ռախոյը ցավակցություն է հայտնել Բարիոյի մահվան կապակցությամբ:
Նշվում է, որ Իսպանիայում ամեն տարի մինչեւ 2 հազար ցլամարտ է անցկացվում, սակայն դրանց թիվը տարեցտարի նվազում է: 2010 թվականին Կատալոնիայում կորիդան պաշտոնապես արգելվել է:
