Երեւանում՝ Տիգրան Մեծի 4 հասցեում գտնվող շենքի տանիքում հուլիսի 11-ին բռնկված հրդեհը հաջողվել է մարել գիշերը՝ 5 ժամ տեւած աշխատանքներից հետո:
ԱԻՆ լրատվական ծառայությունից NEWS.am-ը տեղեկանում է, որ ամբողջությամբ այրվել են շենքի 7-րդ հարկի տանիքի փայտյա կառուցատարրերը ամբողջությամբ (մոտ 700 քմ) եւ «ՀԱՆԱՐԴ» ՓԲԸ-ին պատկանող գրասենյակային տարածքում 9 աշխատասենյակ՝ գույքով (մոտ 400 քմ):
Դեպքի վայր էին մեկնել 12 մարտական հաշվարկ, 3 ավտոսանդուղք, ճգնաժամային կառավարման ազգային կենտրոնի օպերատիվ և արտակարգ իրավիճակների արձագանքման խմբերը: Հայտարարվել է հրդեհի բարդության 3-րդ աստիճան:
Հրդեհաշիջման աշխատանքները ղեկավարել է ԱԻ նախարար Արմեն Երիցյանը: