Գերմանիայում Քրեական գործերով ազգային վարչության պետ Հոլգեր Մյունխը Welt am Sonntag թերթի հետ զրույցում ասել է, որ երկրում ռուսախոս մաֆիայի լուրջ ակտիվություն է նկատվում։ Նրա խոսքով՝ այդ հանցագործները Գերմանիային հասցնում են միլիարդավոր եվրոների տնտեսական վնաս։
«Գերմանական բանտերի բանտարկյալների 80 տոկոսը ռուսախոսներ են կամ Ռուսաստանից եկածներ, դա շուրջ 5 հազար մարդ է»,–ասել է Մյունխը։ Ըստ Հոլգեր Մյունխի՝ խոսքը Ռուսաստանից, Աբխազիայից, Կովկասից, Թուրքմենիայից եւ Սովետական միության այլ շրջաններից եկածների մասին է։ Գերմանական իշխանությունների նախկին գնահատականների համաձայն՝ Գերմանիայի հանցավոր աշխարհի 20–40 հազարը նախկին ԽՍՀՄ երկրներից են։ Այսօր Քրեական գործերով ազգային վարչությունը հայտնում է հնգանիշ թվերի մասին եւ ավելացնում, որ չի տիրապետում ավելի ամբողջական տեղեկատվության։
