News
Տեսնել լրահոսը

Հոկտեմբերի 7-ին Մայր Աթոռ Սուրբ Էջմիածնում իր աշխատանքներն է սկսել Մայր Աթոռի եւ Հոլանդիայի հայոց հոգեւոր հովվության կողմից Հայկական տպագրության հիմնադրման 500-ամյա հոբելյանի առիթով կազմակերպված եռօրյա գիտաժողովը:

Այն նվիրված է Ամստերդամի «Սուրբ Էջմիածին եւ Սուրբ Սարգիս Զորավար» հայկական տպարանի հիմնադրմանը (1660 թ.) եւ գործունեությանը:

Բացման խոսքով հանդես է եկել Մայր Աթոռի արխիվի տնօրեն Տ. Ասողիկ քահանա Կարապետյանը, նշելով. «Ամստերդամում հաստատված տպագրատունն իր ընթացքով եւ արգասիքներով հայ տպագրության տարեգրության մեջ լուսավոր եւ կարեւորագույն հանգրվաններից է:

500-ամյա հոբելյանին ընդառաջ ենք գնում ոչ միայն անցյալի կարեւոր դրվագները լոկ խոսքերով արժեքավորելով, այլեւ ստեղծագործական ու հրատարակչական նորանոր մնայուն ավանդներով»:

Գիտաժողովի առաջին նիստում լսվել են Տ. Ներսես ավագ քահանա Ներսիսյանի` «Ինչպես տոնել հայկական տպագրության 500-ամյա հոբելյանը. Թովմաս եւ Ղուկաս Վանանդեցիների ավանդը», Ազատ Բոզոյանի` «Ամստերդամյան տպագրության առաջին փուլը եւ Մայր Աթոռ Սուրբ Էջմիածինը», Էլիզ Թաջիրյանի` «Սուրբ Էջմիածին եւ Սուրբ Սարգիս Զորավար տպարանը. տիպաբանական վերլուծություն», Տիգրան Զարգարյանի` ՙՀայ հնատիպ գրքի պահպանությունը թվայնացման օգնությամբ Ամստերդամի հրատարակությունների օրինակով՚, Գրիգոր Բրուտյանի` «Տոմարական գրականությունն Ամստերդամի տպագրություններում» զեկույցները:

Երկրորդ նիստում` նախագահությամբ Տ. Մեսրոպ արքեպիսկոպոս Գրիգորյանի եւ Ազատ Բոզոյանի, լսվել են  հետեւյալ զեկույցները.  Դավիթ Ղազարյան` «Ոսկանյան տպարանը եւ հայերեն հնատիպ հմայիլները», Վարդան Դեւրիկյան` «Գանձերի եւ չափածո մյուս ստեղծագործությունների ամստերդամյան հրատարակությունները», Տ. Տաթեւ վարդապետ Հակոբյան` «Մաշտոցի` Ոսկան Երեւանցու հրատարակությունը»:

Գիտաժողովն իր աշխատանքները կշարունակի հոկտեմբերի 8-ին եւ 9-ին:

Գիտաժողովին մասնակցում են Մայր Աթոռի միաբաններ, ինչպես նաեւ Հայաստանի եւ արտերկրի տարբեր գիտակրթական հաստատությունների 18 գիտնականներ:

!
Այս նյութը հասանելի է նաև   Türkçe
Տպել
Կարդացեք նաև
Ամբողջ
Նոր հրատարակություններ Մայր Աթոռում. «Դավիթ Անհաղթի հոգու խնամքի իմաստասիրությունը եւ արդիականությունը»
Դավիթ Անհաղթի փիլիսոփայական մարդաբանությանը...
Գարեգին Բ-ն նոր նշանակում է արել
Ոսկան քահանա Հովհաննիսյանը, ազատվելով Մայր Աթոռ Ս. Էջմիածնի «Էջմիածին» ամսագրի խմբագրությունում ստանձնած պարտականություններից...
Կարգալույծ է հռչակվել Տ. Խորեն վարդապետ Հովհաննիսյանը
Կարգալույծ եկեղեցականն այսուհետ դասվում է աշխարհականների շարքը եւ կկոչվի իր ավազանի անունով` Նշան Հովհաննիսյան...
Ախալցխայի Սբ. Գրիգոր Լուսավորիչ եկեղեցու մուտքի վրա կառուցվում է զանգակատուն
Ախալցխայի հոգեւոր տեսչության հայտարարության համաձայն յուրաքանչյուր մարդ, ով կցանկանա օգտակար լինել Գրիգոր Լուսավորիչ եկեղեցու մուտքի զանգակատան կառուցման հարցում...
Ուկրաինայի հայկական շրջանային համայնքների ղեկավարներն այցելել են Կիեւում կառուցվող տաճարի շինհրապարակ
Կիեւում տեղի են ունեցել Ուկրաինայի Հայերի միության կազմակերպած մի շարք միջոցառումներ…
Սուրբ Շողակաթի վանքի ուխտի օրվա առիթով դուրս կբերվի Ս. Հովհաննես Մկրտչի մասունքը
Աթանագինեն Սբ. Գրիգոր Լուսավորչի կնոջ` Մարիամի եղբայրն էր, Պիտաքտոնի եպիսկոպոսը, որը հերոսաբար նահատակվել էր` պաշտպանելով իր հավատը...
Ամենաշատ
Partner news