Երեւանում հուլիսի 4-ին ինքնասպանություն գործած 21-ամյա ուսանողուհին դեպքից առաջ նամակ է գրել իր ծանոթներից մեկին՝ տեղեկացնելով իր մտադրության եւ պատճառների մասին: Այս մասին հայտնում են Քննչական կոմիտեից:
Ըստ Կոմիտեի տարածած հաղորդագրության, հարցաքննվել են մի շարք անձինք, նրանց թվում երիտասարդը, վերջինիս մայրը, տուժած աղջկա հարազատները, դասախոսներ։ Առգրավվել է նրա բջջային հեռախոսը, միջնորդություն է ներկայացվել դատարան՝ նրա հեռախոսային խոսակցությունների վերծանումներն ստանալու վերաբերյալ։ Քննիչը որոշում է կայացրել հետմահու դատահոգեբուժական և դատահոգեբանական համալիր փորձաքննություն նշանակելու մասին:
Հիշեցնենք, որ 21-ամյա Ջուլիետան սովորում է Խաչատուր Աբովյանի անվան մանկավարժական համալսարանի բանասիրության ֆակուլտետում: Ըստ տարածված տեղեկությունների, նա 8-րդ հարկից նետվել էր, քանի որ կտրվել էր ավարտական քննությունից: Վարկած է շրջանառվում նաեւ, որ աղջիկն այդ քայլին դիմել է դասախոսներից մեկի հետ ունեցած խնդիրների պատճառով:
