Հոկտեմբերի 6-ի երեկոյան, Վանաձորի Զաքարյան փողոցի խանութներից մեկում հորդառատ անձրեւի ժամանակ սպանել են այդ խանութի տնօրեն 59-ամյա Սվետլանա Կազազյանին:
Հայաստանի ոստիկանության մամուլի ծառայությունից NEWS.am-ին հայտնում են, որ հոկտեմբերի 6-ին, ժամը 20.50-ին, «շտապ օգնության» կայանից ոստիկանության Վանաձորի բաժնում ահազանգ է ստացվել, որ Զաքարյան փողոցի խանութներից մեկում կնոջ դիակ կա:
Դեպքի վայր մեկնած օպերատիվ խումբը Զաքարյան փողոցի 8/11/Ա հասցեում գործող մթերային խանութում հայտնաբերել է տնօրեն, 59-ամյա Սվետլանա Կազազյանի դիակը` պարանոցի մասում սուր-կտրող գործիքից ստացած կտրած-ծակած վերքի հետքով: Հանգամանքները պարզվում են: Փաստի առթիվ հարուցվել է քրեական գործ, կատարվում է նախաքննություն:
Պարզվել է, որ սպանված կնոջ որդին ոստիկանության աշխատակից է՝ քրեական հետախուզության օպեր-լիազոր, գնդապետ Մովսես Իսկանդարյանը: Նա չի բացառել, որ մոր սպանությունը կապ ունի որդու գործունեության հետ:
Բացի վրեժխնդրության վարկածից, ոստիկանությունը քննում է նաեւ պատվիրված սպանության, կենցաղային, խանութին պարտք լինելու եւ այլ հարցերի հետ կապված վարկածներ:
Հատկանշական է, որ մարդասպանը խանութից ոչինչ չի վերցրել: