ԱՄՆ նախկին նախագահ Ջորջ Բուշ կրտսերը պարել է Դալլասում (Տեխասի նահանգ) զոհված ոստիկանների հոգեհանգստի ժամանակ,- հայտնում է The Telegraph-ը: Դա տեղի է ունեցել «Հանրապետության մարտական հիմնի» կատարման ժամանակ։ Մի ձեռքով նա բռնել էր իր կնոջ՝ Լաուրայինձեռքը, մյուսով՝ երկրի առաջին տիկին Միշել Օբամայի ձեռքը։

Ինչպես նշում է Daily Express-ը, ԱՄՆ առաջին տիկնոջը շփոթեցրել է Բուշի նման պահվածքը: Նրա պարը բուռն քննարկում է առաջացրել սոցիալական ցանցերում. Twitter-ի որոշ օգտատերեր քննադատել են պետության նախկին ղեկավարի արարքը, ոմանք էլ այն համարել են զվարճալի: