Ford Sollers ընկերությունը սկսել է Հայաստան ռուսական արտադրության թեթեւ մարդատար Ford ավտոմեքենաներ ներկրել: Այս մասին գրում է Gazeta-ն:

Հայաստանն ընկերության համար արտահանման երրորդ շուկան է դարձել՝ Ղազախստանից եւ Բելառուսից հետո:

Մատակարարվող մեքենաները մի քանիսն են՝ Ford Fiesta (սեդան եւ 5 դռնանի հեչբեկ), Ford Focus, Ford Mondeo, Ford Explorer, Ford Kuga եւ Ford EcoSport:

Նոր Ford Fiesta սեդանը, ինչպես նաեւ նոր Ford Mondeo-ն եւ Ford EcoSport-ը, հայկական շուկա առաջին անգամ են ներկրվում:

Մեքենաները մատակարարվելու են Հայաստանում Ford-ի պաշտոնական ներկայացուցչի՝ «Ֆորա» ընկերության միջոցով:

Ընկերությունում հույս ունեն, որ ռուսական արտադրության մեքենաները կօգնեն ամրապնդել Ford-ի դիրքերը Հայաստանում եւ մեծացնել շուկայում ընկերության մասնաբաժինը՝ մրցունակ գնի եւ մոդելային շարքի բազմազանության շնորհիվ: