ՀՀ զինված ուժերում նվազել են ծանր հանցագործություններն ու խախտումները, կոռուպցիոն ռիսկեր պարունակող դեպքերը, ամրապնդվել է բարեվարքության կանոնները: Այս մասին հուլիսի 20-ին, ՀՀ ՊՆ Ռազմական ոստիկանությունում 2016 թ. առաջին կիսամյակում ՌՈ համակարգի կատարած աշխատանքների ամփոփման ժամանակ նշել է ՀՀ ՊՆ ռազմական ոստիկանության պետ, գեներալ-մայոր Սամվել Ղուկասյանը:
ՊՆ-ից NEWS.am-ին հայտնում են, որ նա մատնանշել է դրական ձեռքբերումներն ու առկա թերությունների վերացման ուղիները՝ նշելով, որ լուրջ աշխատանքներ են տարվել զորակոչի թափանցիկության ապահովման ուղղությամբ:
Ռազմավարական մարտավարության, օպերատիվ միջոցառումների եւ ռազմական ոստիկանության գործունեության ոլորտում առաջավոր երկրների փորձի ներդրման շնորհիվ նվազել են ծանր հանցագործություններն ու խախտումները, կոռուպցիոն ռիսկեր պարունակող դեպքերը, ամրապնդվել է բարեվարքության կանոնները:
