Սարի թաղում ոստիկանական գործողությունների հետեւանքով տուժած 17-ամյա Սայաթ Հարությունյանի աչքը հեռացրել են։ Այդ մասին NEWS.am-ի թղթակցին հայտնել է նրա հորեղբայր Կարո Հարությունյանը։
Նա պատմեց, որ Սայաթը Վարդենիսից է եկել քույրերին տեսակցելու, որոնք Երեւանում են ապրում, իսկ այսօր Սարի թաղ էր եկել բարեկամներին տեսնելու։ Ըստ հորեղբոր, նա որեւէ ցույցի չի մասնակցել։
Սայաթ Հարությունյանին տեղափոխել էին «Սուրբ Գրիգոր Լուսավորիչ» հիվանդանոց։
Հիվանդանոցից NEWS.am-ին հայտնեցին, որ 17-ամյա պատանու վիճակն այս պահին բավարար է։
Ինչպես ավելի վաղ հայտնել էր NEWS.am-ը, Երեւանի «Սուրբ Գրիգոր Լուսավորիչ» հիվանդանոցում ժամը 1։30-ի դրությամբ գտնվում է Սարի թաղում տեղի ունեցած բախումների հետեւանքով տուժած 42 քաղաքացի, ընդհանուր տուժածների թիվը վերջին տվյալով 60 է։ Նրանցից մեկի վիճակը ծանր է, նա 17 տարեկան երիտասարդ է, որի աչքը վիրահատել են: Մյուսների վիճակը գնահատվում է կայուն:
