Արագածոտնի մարզի Արագածավան գյուղի տներից մեկում ավազակային հարձակում է տեղի ունեցել։

NEWS.am-ին հայտնի է դարձել, որ օգոստոսի 2-ի վաղ առավոտյան անհայտ անձը տան հետնամասի դռնով մուտք է գործել Արագածավան գյուղի տներից մեկը, որտեղ տանտիրուհին  տանը մենակ է եղել։ Նա հաղորդալարով  կապել է 55-ամյա կնոջ  ձեռքերն ու ոտքերը, որից հետո հափշտակել է նրա դրամապանակն ու հեռացել։  Նրան հայտնաբերելու ուղղությամբ միջոցառումներ են ձեռնարկվել։ 

Նախնական տեղեկություններով՝ դրամապանակի մեջ 70 հազար դրամ գումար է եղել։