Երեւանում այսօր՝ օգոստոսի 4-ին, 20-ամյա երիտասարդն ընկել է շենքի 3-րդ հարկից: NEWS.am-ի տեղեկություններով, երիտասարդին անմիջապես տեղափոխել են հիվանդանոց:
Նշենք, որ հիվանդանոց տեղափոխած 20-ամյա Մ. Ա.-ն այսօր իր վարած ВАЗ 2103 մակնիշի ավտոմեքենայով Երեւանի Կոմիտասի փողոցում բախվել է մի քանի մեքենաների, զոհեր եւ վիրավորներ չեն եղել: Մ. Ա.-ն պատահարից հետո գնացել է տուն, սակայն, մի քանի ժամ անց ծանր վիճակում տեղափոխվել Երեւանի «Արմենիա» բժշկական կենտրոն: Հիվանդանոցից մեզ հայտնեցին, որ 20-ամյա Մ. Ա.-ի վիճակը ծանր է, նրան այս պահին հետազոտում են: