Երեւանում հուլիսի 17-ին մեկնարկած իրադարձությունների հետեւանքով մայրաքաղաքի բուժհաստատություններում գտնվող տուժածներից հիվանդոցում բուժում է ստանում 12 տուժած: Այս մասին այսօր՝ օգոստոսի 6-ին, NEWS.am-ի հետ զրույցում հայտնել են առողջապահության նախարարության լրատվական ծառայությունից՝ նշելով, որ այսօր հիվանդանոցից դուրս է գրվել եւս երկու տուժած՝ մեկ լրագրող եւ 17-ամյա Սայադ Հարությունյանը:
ՀՀ առողջապահության նախարարի խոսնակ Անահիտ Հայթայանը նշեց, որ դեռ ծանր է մնում ոստիկան Գագիկ Մկրտչյանի վիճակը, իսկ 17-ամյա Սայադ Հարությունյանի բուժման եւ աչքի պրոթեզավորման ծախսերը ամբողջությամբ հոգալու է Երեւանի «Սուրբ Գրիգոր Լուսավորիչ» հիվանդանոցը, աչքի պրոթեզն արդեն պատվիրվել է: