«Սասնա ծռերի» անդամներ Թաթուլ Թամրազյանին եւ Արամ Լամբարյանին այսօր՝ օգոստոսի 6-ին, Վերակենդանացման բաժանմունքից տեղափոխել են հիվանդասենյակ: Այս մասին այսօր «Էրեբունի» բժշկական կենտրոնի դիմաց հավաքված ցուցարարներին ասել է հիվանդանոցի տնօերն Միքայել Մանուկյանը: Նա նշել է, որ «Սասնա ծռերի» վիրավոր անդամներից Սեդրակ Նազարյանը շարունակում է մնալ Վերակենդանացման բաժանմունքում եւ նրա վիճակն օր օրի լավանում է:
«Բոլորի առողջական վիճակը դրական տենդենցով է գնահատվում, երկու հոգու՝ Թաթուլ Թամրազյանին եւ Արամ Լամբարյանին այսօր առավոտյան հիվանդասենյակ են տեղափոխվել, նրանց վիճակը բավարար է: Սեդրակ Նազարյանը շարունակում է մնալ Վերակենդանացման բաժանմունքում, օր օրի նրա վիճակում դրական տեղաշարժ կա: Նա ստանում է համապատասխան դեղորայք, վերքերը մշակվում են»,-ասել է նա: