Ադրբեջանական գյուղատնտեսության նախարարությունը դժգոհ է գումարների չափից, որոնք հատկացվելու են ոլորտին 2011 թվականի պետբյուջեով:
Ինչպես խորհրդարանական լսումների ժամանակ հայտարարել է գյուղատնտեսության փոխնախարար Իլհամ Գուլիեւը, Պետական անասնաբուժական ծառայության ծրագրերի իրականացման համար անհրաժեշտ է 7,5 մլն մանաթ, սակայն հատկացվել է միայն 4,2 մլն, ֆիտոսանիտարական միջոցների համար՝ 1,5 մլն, մինչդեռ հատկացվել է 600 հազար մանաթ:
Այսօր պետբյուջեի նախագիծը ներկայացվել է խորհրդարանի լիագումար նիստին՝ չնայած նախարարության բացասական գնահատականին: