News
Լրահոս
News
Կիրակի
Սեպտեմբեր 27
USD
485.27
EUR
565.05
RUB
6.28
ME-USD
0.01
Տեսնել լրահոսը


Հայաստանն Անդրկովկասում Ռուսաստանի ռազմավարական գործընկերն է: Այս մասին օգոստոսի 10-ին Մոսկվայում Սերժ Սարգսյանի հետ հանդիպմանն ասել է Ռուսաստանի նախագահ Վլադիմիր Պուտինը:

Ռուս առաջնորդը նշել է Եվրասիական տնտեսական միությանը Հայաստանի ինտեգրման շնորհիվ տնտեսական մեծ արդյունքի մասին: «Մենք հետեւողականորեն դաշնակցային հարաբերություններ ենք կառուցում, ըստ որում՝ ամենազգայուն ուղղություններով, նաեւ միջազգային ասպարեզում՝ առաջին հերթին նկատի ունենալով ԱՊՀ տարածքը»,- ասել է Պուտինը նեղ կազմով Սերժ Սարգսյանի հետ բանակցությունների ընթացքում:

«Ի դեպ, ինձ շատ հաճելի է նշել, ցանկանում եմ այդ առումով ձեզ շնորհավորել, ես նայեցի անցյալ տարվա տվյալները: ԵՏՄ-ին Հայաստանի միանալուց հետո, ինչպես թղթերից է երեւում, ձեր Համախառն ներքին արտադրանքն աճել է 10 տոկոսով»,- ընդգծել է ՌԴ նախագահը, փոխանցում է ՏԱՍՍ-ը: Նրա գնահատմամբ՝ դա շատ դրական ցուցանիշ է: Պուտինը հույս է հայտնել, որ այսպիսի դրական դինամիկան կպահպանվի նաեւ հետագայում:

ՀՀ նախագահն ասել է, որ Մոսկվա աշխատանքային այցի ընթացքում մտադիր է Պուտինի հետ քննարկել երկու պետությունների փոխգործակցության ընթացիկ վիճակը եւ մտքեր  փոխանակել տարածաշրջանային օրակարգի տարբեր հարցերի վերաբերյալ: Սարգսյանը նշել է, որ 2016-ի վեց ամիսների ընթացքում Ռուսաստանի եւ Հայաստանի միջեւ ապրանքաշրջանառությունն աճել է 12 տոկոսով, իսկ ՌԴ արտահանումը հասել է պատմական առավելագույնին: Նրա խոսքով՝ այդ հաջողությունները կապված են ԵՏՄ-ին ՀՀ անդամակցության հետ: Սերժ Սարգսյանն ընդգծել է, որ Ռուսաստանի հետ Հայաստանը երկկողմ հարաբերություններում լուրջ խնդիրներ չունի:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
ԱՊՀ երկրների դիվանագետներն օրակարգային հարցեր են քննարկել ՄԱԿ-ի Գլխավոր ասամբլեայում
Համաժողովին մասնակցել են արտաքին գործերի նախարարությունների պրոֆիլային ստորաբաժանումների ղեկավարներ, մասնակից պետությունների դեսպանատների ներկայացուցիչներ...
Շոյգուն նշել է Հայաստանից զինվորականների բարձր պատրաստվածությունը Կարմիր հրապարակում Հաղթանակի շքերթի ժամանակ
Դա մեր ընդհանուր տոնն է։ Փաստացի մեկ ժողովրդի տոնն է․․․
ԱՊՀ երկրների ԳՐՔԱՐՎԵՍՏ մրցույթում ԳՐԱՆ ՊՐԻ անվանակարգում հաղթել է Սեն Հովհաննիսյանի «Հայաստանի Ատլաս» գիրքը
Սյս տարվա մրցույթում սա միակ գիրքն էր, որը հաղթող ճանաչվեց միաժամանակ երկու անվանակարգերում: Ժյուրին բարձր գնահատեց թե՛ գրքի բարձր պոլիգրաֆիկ որակը, թե՛...
ՌԴ ԱԳՆ. Պենտագոնը սկսում է ԱՊՀ-ում կենսալաբորատորիաների կառուցումը
Աշնանը Մատվիենկոն նախատեսում է այցելել ԱՊՀ մի շարք երկրներ
«Աշնանը ես պլանավորել եմ այցելել ԱՊՀ մի շարք երկրներ, հիմա դրանք չեմ նշի․․․
Պուտինը հեռախոսային բանակցություններ է անցկացրել Ադրբեջանի, Ղազախստանի, Տաջիկստանի եւ Ուզբեկստանի նախագահների հետ
Ինչպես հայտնում է Կրեմլի մամուլի ծառայությունը, ԱՊՀ երկրների առաջնորդները ջերմորեն շնորհավորել են Վլադիմիր Պուտինին․․․