«Հիմնադիր խորհրդարանի» նախագահ Ժիրայր Սեֆիլյանի գործը միացվել է «Սասնա ծռեր» խմբի քրեական գործին: Այս մասին հայտնում են NEWS.am-ի աղբյուրները:
Սույն գործով Ժիրայր Սեֆիլյանը հունիսի 23-ին երկու ամսով կալանավորվել է: Նրան մեղադրանք է առաջադրվել ՀՀ քրեական օրենսգրքի 235-րդ հոդվածի 2-րդ մասով՝ Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը:
Միեւնույն ժամանակ, «Սասնա ծռեր» խմբի քրեական գործին է միացվել անցած տարվա ապրիլին «Հիմնադիր խորհրդարանի» մի քանի անդամների դեմ հարուցված քրեական գործը: Հիշեցնենք, որ այս գործով մեղադրանք էր առաջադրվել նաեւ Գարեգին Չուգասզյանին:
