ՀՀ ոստիկանության ՊՊԾ գնդի տարածքում տեղի ունեցած փոխհրաձգության հետեւանքով ծանր վիրավորում ստացած՝ ոստիկանության ենթասպա, 45-ամյա Գագիկ Մկրտչյանը մահացել է այսօր՝ օգոստոսի 13-ին՝ վիրավորվելուց 27 օր անց։ Այս մասին NEWS.am-ի հետ զրույցում ասաց «Աստղիկ» բժշկական կենտրոնի գլխավոր բժիշկ Ռոբերտ Կուրղինյանը:
Նշենք, որ ոստիկանը կրծքային-որովայնային հրազենային վիրավորում էր ստացել եւ գտնվում էր «Հերացի» թիվ 1 համալսարանական համալիրի վերակենդանացման բաժանմունքում։ Վնասվել էին լյարդը, բարակ եւ հաստ աղիները, ստոծանին, ինչպես նաեւ թոքերը։ Ավելի ուշ Մկրտչյանը տեղափոխվել էր «Աստղիկ» ԲԿ, քանի որ նաեւ հեմոդիալեզի անհրաժեշտություն էր առաջացել:
