Ռուսաստանի նախագահ Վլադիմիր Պուտինը հրաման է ստորագրել Հայաստանի արտգործնախարար Էդվարդ Նալբանդյանին Բարեկամության շքանշանով պարգեւատրելու մասին: Համապատասխան փաստաթուղթը օգոստոսի 26-ին հրապարակվել է Ռուսաստանի իրավական տեղեկատվության պաշտոնական պորտալում:
«Ռուսաստանի Դաշնության հետ բարեկամության եւ համագործակցության մեծ ներդրման համար Հայաստանի Հանրապետության արտաքին գործերի նախարար Էդվարդ Աղվանի Նալբանդյանին պարգեւատրել Բարեկամության շքանշանով»,- ասված է հրամանագրում:
Բարեկամության շքանշանով պարգեւատրվում են խաղաղության, բարեկամության, համագործակցության եւ ժողովուրդների միջեւ փոխըմբռման մեջ հատուկ ավանդ ունեցած երկրի, նաեւ արտասահմանյան երկրների քաղաքացիները:
