Հայաստանի հավաքականի հարձակվող Դավիթ Արշակյանը վերջին օրերին Սանկտ Պետերբուրգում սպասում էր ԱՄՆ վիզային: Օրերս ֆոտբոլիստը ստացավ այն և մեկնեց Չիկագո, որտեղ հանդես է գալու «Չիկագո Ֆայրի» կազմում: NEWS.am-ի թղթակից Վերա Մարտիրոսյանի հետ զրույցում ֆուտբոլիստը պատմեց, թե երբ է հնարավոր իր նորամուտը թիմում և կկարողանա արդյոք միանալ հավաքականի առաջիկա երկու խաղերին:
«Ամեն ինչ շատ լավ է: Հասցրել եմ մարզվել թիմի հետ: Ամենայն հավանականությամբ նորամուտս տեղի կունենա օգոստոսի 28-ին «Դի Սի Յունայթեդի» հետ խաղում: Հետո բաց կթողնեմ թիմի առաջիկա հանդիպումները, քանի որ օգոստոսի 29-ին Չեխիայում կմիանամ Հայաստանի ազգային հավաքականին, հետո էլ կմեկնենք Դանիա: Սեպտեմբերի 6-ին Հայաստանի երիտասարդական հավաքականի կազմում իմ մասնակցությունը դեռ հարցականի տակ է: Պարզ կլինի ազգային հավաքականի խաղերից հետո»- ասաց ֆուտբոիստը:
Հիշեցնենք, որ օգոստոսի 31-ին Հայաստանի ազգային հավաքականը Չեխիայի Մլադա Բոլեսլավ քաղաքի «Մեստսկի» մարզադաշտում ընկերական հանդիպում կանցկացնի Չեխիայի ազգային հավաքականի հետ, իսկ սեպտեմբերի 4-ին Կոպենհագենի «Պարկեն» մարզադաշտում տեղի կունենա Աշխարհի 2018 թ. առաջնության ընտրական փուլի Դանիա-Հայաստան հանդիպումը:
Իսկ սեպտեմբերի 6-ին` ժասմը 18:00-ին, ՀՖՖ Տեխնիկական կենտրոնի՝ Ֆուտբոլի ակադեմիայի մարզադաշտում տեղի կունենա Եվրոպայի մինչև 21 տարեկանների 2017թ. առաջնության Հայաստան-Բուլղարիա հանդիպումը:
Դավիթ Արշակյանն ընդգրկված է երկու հավաքականների ընդլայնված կազմերում:
