Ամերիկյան General Motors կորպորացիան ծրագրային ապահովման խնդրի պատճառով ամբողջ աշխարհից 4.3 մլն ավտոմեքենա է հետ կանչելու: Թերության պատճառով 1 վարորդ է զոհվել, եւս 3-ը՝ վնասվածքներ ստացել: Այս մասին գրում է ՌԻԱ Նովոստին՝ վկայակոչելով Reuters-ը:
Թերությունը կարող է հանգեցնել անվտանգության բարձիկների արգելակման մի իրավիճակում, երբ «բախումից առաջ տրանսպորտային միջոցի երթեւեկության որոշակի փոփոխություն է տեղի ունենում»:
ԱՄՆ ավտոտրանսպորտի երթեւեկության անվտանգության հարցերի ազգային վարչության տվյալներով՝ General Motors-ը հետ կկանչի 2014-2017 թվականների մոդելները: Ծրագրային ապահովումը փոխելուց հետո մեքենաները կվերադարձնեն տերերին: