News
Լրահոս
News
Չորեքշաբթի
Հունվար 19
USD
481.52
EUR
548.74
RUB
6.28
Տեսնել լրահոսը

Վրաստանում իշխող «Վրացական երազանք» քաղաքական կուսակցությունը օրերս ներկայացրել է իր նախաընտրական ծրագիրն ու պատգամավորների թեկնածուների ամբողջական ցուցակը, որտեղ ներկայացված 155 հոգանոց ցուցակում հավասար ներկայացված են հայ եւ ադրբեջանցի թեկնածուները՝ 3 հայ եւ 3 ադրբեջանցի, հաղորդում է «Վրաստանի հայ համայնքը»:

Հենց այստեղ պետք է նշել, որ հայ 3 թեկնածուներից միայն մեկն է՝ Հենզել Մկոյանը, ներկայացված որպես մեծամասնական թեկնածու, իսկ մնացած երկուսը համամասնական ցուցակի՝ 19-րդ (Ռուսլան Պողոսյան) եւ 23-րդ (Սամվել Մանուկյան) հորիզոնականներն են զբաղեցնում:

Ինչ վերաբերում է նախընտրական ծրագրին՝ 64 էջից բաղկացած ծավալուն տեքստում հիշատակված են նաեւ ազգային փոքրամասնությունները: Սակայն, ինչքանով է կուսակցության տեսությունը արտացոլում փոքրամասնությունների առջեւ ծառացած մարտահրավերներին եւ հնարավոր է արդյոք առաջարկված տեքստ-խոստումը համարել երաշխիք այս մարտահրավերների լուծմանը, այս հարցին հենց ընտրողներն էլ պատասխան թող տան:

Առանց որեւէ մեկնաբանությամբ հարգելի ընթերցողի ուշադրության են հրավիրում «Վրացական երազանք»-ի նախաընտրական ծրագրում տեղ գտած, ազգային փոքրամասնությունների մասին քաղվածքներ:

Ի՞նչ արվեց:

«Իշխանությունը կարեւոր քայլեր ձեռնարկեց ազգային փոքրամասնությունների իրավունքների պաշտպանման ու նրանց քաղաքացիական ինտեգրումն ապահովելու համար: 2015 թվականին կառավարությունը հաստատեց «Քաղաքացիական հավասարության եւ ինտեգրման պետական ռազմավարություն ու 2015-2020թթ. Գործողության ծրագիրը», որը հիմնված է լավագույն պրակտիկայի եւ փորձի վրա, ինչպես նաեւ սահմանազատվեց առկա կարիքների եւ մարտահրավերների դեմ արդյունավետ գործելու մեխանիզմները»:

Որպես կարեւոր առաջնություն համարվեց որակյալ կրթության մատչելիությունը: Մշակվեց ազգային փոքրամասնությունների կրթության քաղաքական փաստաթուղթը նախադպրոցական, միջնակարգ, մասնագիտական ու բարձրագույն կրթական մակարդակների համար: Իրականացվում է վրաց լեզվի ուսուցման հատուկ ծրագրեր ինչպես համալսարաններում սովորել ցանկացողների, այնպես էլ մասնագիտական կրթություն ստացողների համար:

Ավելի շատ ուշադրություն դարձվեց սակավաթիվ էթնիկ խմբերին, նրանց մշակութային ինքնությանն ու կարիքներին:

Պետության կողմից անցկացվող քաղաքականության հետեւանքով բարձրացվեց ազգային փոքրամասնությունների պետական լեզվի ուսուցման որակի արդյունավետությունը: Իրականացվում են ծրագրեր, որոնց շրջանակներում շուրջ 90 դպրոցում գործում են վրաց լեզվի խմբակներ, որից 2600-ից ավելի աշակերտ, մոտ 500 ուսուցիչ եւ 400-ից ավելի տեղական համայնքների անդամ է օգտվում: Վրաց լեզվի 78 ուսուցիչ գործուղման է ուղարկված Սամցխե-Ջավախքի, Քվեմո Քարթլիի եւ Կախեթիի ոչ վրացալեզու դպրոցներ»:

«Ձեռնարկվեցին կարեւոր քայլեր կրոնական միությունների գույքային իրավունքների վերականգման ուղղությամբ»:

Ի՞նչ կարվի ապագայում:

«Ազգային փոքրամասնությունների իրավունքների պաշտպանմանն ու ապահովագրման համար կիրականացվի «Քաղաքացիական հավասարության եւ ինտեգրման 2015-2020թթ. գործողության ծրագիրը»: Նշված ծրագիրը նպատակ է հետապնդում առաջիկա տարիների ընթացքում արդյունավետ քայլեր ձեռնարկել, որպեսզի Վրաստանի ամեն քաղաքացի, անկախ նրա ազգային պատկանելիության, ունենա հնարավորություն լիակատար ներգրավվելու հասարակության կյանքի ամեն ոլորտում, երկրի տնտեսական զարգացմանը, քաղաքական ու քաղաքացաիական գործընթացներում:

Համապատասխան գերտնտեսչությունների համակարգված աշխատանքի արդյունքում, այդ թվում քաղաքացիական ինտեգրման հարցերով զբաղվող հանձնաժողովի շրջանակներում, կակտիվանան մանրամասն արված ամենամյա ծրագրի իրագործելուն ուղղված ջանքերը:

Հատկապես հեռանկարային կլինի պետական լեզվի իմացության մակարդակի բարելավումը, որը հաճախ խոչընդոտ է առաջացնում ազգային փոքրամասնությունների ներկայացուցիչներին լիարժեք ներգրավելու համար: Համապատասխանաբար կավելանա պետական լեզվի ուսուցման ծրագրերի արդյունավետությունը, պետական լեզվի ծրագրերի հասանելիությունը կընդլայնվի նաեւ ուսումնական գործընթացից դուրս:

Ապահովված կլինի վրաց լեզվի պայմանական ուսուցումը հանրային սեկտորում աշխատող ազգային փոքրամասնության ներկայացուցիչների համար:

Ազգային փոքրամասնություններով խիտ բնակեցված շրջաններում կբարելավվի վարչական գործավարության փաստաթղթերի եւ հանրային սպասարկման հասանելիության որակը:

Կրթության ռազմավարական փաստաթղթի համաձայն կձեռնարկվի արդյունավետ քայլեր եւ զգալիորեն կբարելավի որակով կրթության հասանելիությունը կրթության ամեն ոլորտներում:

Կբարելավի մամուլի ու տեղեկության առկայությունը եւ, համապատասխանաբար, ազգային փոքրամասնությունների երկրի միասնական տեղեկատվական դաշտում ներգրավումը, ինչը հաջող քաղաքական ինտեգրման գործընթացի նախապայմաններից է:

Ազգային փոքրամասնություններով բնակեցված շրջաններում կշարունակվի ենթակառույցների, սոցիալ եւ տնտեսական հնարավորությունների զարգացումը, այդ թվում կառավարության համապատասխան ծրագրերի եւ ծառայությունների մասին նրանց համար ամբողջական տեղեկության հասանելի լեզվով առկայությունը:

Ապահովված կլինի ազգային փոքրամասնությունների մշակութային ինքնության պահպանումն ու զարգացման հնարավորությունները, հանդուրժողականության խրախուսումն ամբողջ հասարակության մեջ»:

Նրա համար, որ հարգելի ընթերցող-ընտրողն ունենա ամբողջական պատկեր նշված քաղաքական ուժի ազգային փոքրամասնությունների հարցերով քաղաքականության վերաբերյալ, հաջորդ հոդվածում կներկայացնենք այն ծրագրային խոստումները, որոնք «Վրացական երազանք»-ը դեռ 2012 թվականի խորհրդարանական ընտրություններից առաջ էր խոստացել: Եվ այսպես կներկայացնենք ընտրություններում մասնակից բոլոր հիմնական խաղացողների տեսությունը: Նպատակը մեկն է, բացահայտենք ազգային փոքրամասնությունների հիմնախնդիրների լուծման տեսակետից ինչով են տարբերվում իրարից քաղաքական կուսակցությունները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սաակաշվիլին հայտարարել է բանտում երկիրը ճգնաժամից դուրս բերելու ծրագրի մշակման մասին
«Ես գիտեմ, թե ինչպես է դա արվում՝ ի տարբերություն այս իշխանությունների...
ԶԼՄ-ներ. Սաակաշվիլուն հոսպիտալից բանտ են վերադարձրել
Հատուկ պատժիչ ծառայությունը Վրաստանի նախկին նախագահին հոսպիտալից վերադարձրել է բանտ...
Սաակաշվիլին չի մասնակցի դատավարությանը Թբիլիսիի դատարանում
«Նրա առողջական վիճակը թույլ չի տալիս նրան ներկա գտնվել դատավարությանը եւ դիմել հանրությանը...
Սաակաշվիլին դադարեցնում է բուժումը եւ պահանջում է վերսկսել այցելությունները
Նախագահի խոսքով` իրեն զրկել են հեռուստացույցից եւ թույլ չեն տվել այցելուներին տեսնել իրեն...
Թբիլիսիում սկսվեց Սաակաշվիլիի դատավարությունը. ինչո՞ւմ է նա մեղադրվում
Զբոսանավերի վարձույթ Պիզայում՝ 25 հազար 237 լարի...
Սաակաշվիլի. վերջին 400 տարում Վրաստանի առաջին ղեկավարն եմ, որը բանտում է հայտնվել
Նախկին նախագահը կոչ է արել իր կողմնակիցներին «միասնաբար վերջ տալ այդ ամենին»․․․