Վալերի Պերմյակովի պատժի կրման վայրի հարցը քննարկման առարկա կդառնա միայն այն ժամանակ, երբ դատավճիռն օրինական ուժի մեջ մտնի: Այս մասին սեպտեմբերի 13-ին ԱԺ-ում հայտարարել է գլխավոր դատախազի տեղակալ Արթուր Դավթյանը, որը հավակնում է գլխավոր դատախազի պաշտոնին: Դրանից հետո հարցը ռուս գործընկերների հետ կքննարկի ոչ թե գլխավոր դատախազությունը, այլ Հայաստանի արդարադատության նախարարությունը, ավելացրել է նա:
Հիշեցնենք, որ 2015 թվականի հունվարի 12-ին Գյումրիում տեղակայված ռուսական ռազմակայանի զինծառայող Վալերի Պերմյակովը ներխուժել էր Ավետիսյանների տուն եւ սպանել ընտանիքի 7 անդամներին, այդ թվում՝ մանկահասակ աղջկան եւ նորածին երեխային: Նա դատապարտվել է ցմահ ազատազրկման: