ՀՀ դատախազությունը չկարողացավ ոճրագործ Վալերի Պերմյակովին բերել Հայաստանի դրոշի եւ զինանշանի տակ դատել, այլ Հայաստանի դրոշն ու զինանշանը «Գազելի կուզովով» տանում էին Պերմյակովի մոտ եւ հետ բերում։ Այս մասին սեպտեմբերի 14-ին՝ ԱԺ–ում Արթուր Դավթյանին գլխավոր դատախազ նշանակելու քննարկումների ժամանակ, ասել է ընդդիմադիր պատգամավոր Նիկոլ Փաշինյանը։
Նրա խոսքով՝ սա Հայաստանի Երրորդ Հանրապետության ամենախայտառակ դատավարություններից մեկն էր։
«Ցավոք երեկ դատախազությունը չկարողացավ պատասխանել Պերմյակովի պատժի կրման վայրի մասին հարցին՝ ասելով, թե Արդարադատության նախարարությանը տվեք, մենք կապ չունենք։ Թող դատախազությունը պատասխանատվությունն իր վրայից չփորձի գցել։ Նրանք անգամ չկարողացան Պերմյակովին բերել Հայաստանի դրոշի եւ զինանշանի տակ դատել, այլ Հայաստանի դրոշն ու զինանշանը «Գազելի կուզովով» տանում էին Պերմյակովի մոտ եւ հետ բերում։ Այսքանից հետո Դավթյանն ասում է դատախազությունը վաստակում է իր աշխատավարձը»,– ասաց Փաշինյանը։