նախընտրելի դարձնելԱզգային ժողովի ՀՀԿ խմբակցության պատգամավոր, գեներալ Մանվել Գրիգորյանը համոզված է` քննությունը կպարզի, թե ինչ է տեղի ունեցել սեպտեմբերի 16-ին:
«Ամեն ինչ էլ պատահում ա, լինում ա: Իրավապահ մարմինները զբաղվում են, ամեն ինչ էլ կպարզեն: Կան տուժողներ, մասնակիցներ, ամեն ինչ էլ կպարզվի»,- այսօր` սեպտեմբերի 18-ին, Էջմիածնում, լրագրողների հետ զրույցում ասաց գեներալ Մանվել Գրիգորյանը, որը գործող քաղաքապետ, թեկնածու Կարեն Գրիգորյանի հայրն է:
Հարցին, թե կրակոցներ եղել են, Մանվել Գրիգորյանն արձագանքեց. «Եթե ես էնտեղ լինեի, ոչ կրակոցներ կլինեին, ոչ էլ մի բան»:
Մեր դիտարկմանը, թե հիվանդանոց տեղափոխված Արթուր Թումանյանն ու Ստեփան Աբգարյանը պնդում են, որ գեներալի որդիներն էլ են ծեծին մասնակցել, Մանվել Գրիգորյանն արձագանքեց. «Եթե իմ որդիները որեւ մեկին կպել են, օրենքի ամբողջ խստությամբ կպատժվեն, իսկ շառ անողներն էլ պիտի պատասխան տան: Ով կրակել ա, պիտի պատժվի, ով ծեծել ա, պիտի պատժվի»:
