Վրաստանի նախագահ Միխայիլ Սահակաշվիլին այսօր` հոկտեմբերի 15-ին ընդունել է Ադրբեջանի ԱԳ նախարար Էլմար Մամեդյարովին:
Վրաստանի նախագահի մամուլի գրասենյակի փոխանցմամբ` Սահակաշվիլին եւ Մամեդյարովը քննարկել են երկկողմ հարաբերություններին վերաբերող հարցեր: Վրաստանի նախագահը գոհունակություն է հայտնել այդ հարաբերությունների դինամիկայի առնչությամբ ու ընդգծել, որ վրացի եւ ադրբեջանցի ժողովուրդների բարեկամությունն ու համագործակցությունը օրինակելի է:
Կողմերը քննարկել են նաեւ մի շարք համատեղ իրականացվող ծրագրերի ընթացքոը եւ վստահություն հայտնել, որ դրանք հաջողությամբ կավարտվեն:
Սահակաշվիլին ու Մամեդյարովը քննարկել են նաեւ տարածաշրջանային անվտանգությանը վերաբերող ռազմավարական խնդիրներ: