Գերմանիայի արտգործնախարար Ֆրանկ–Վալտեր Շթայնմայերը կոչ է արել 3-7 օրով Սիրիայի երկնքում ոչ թռիչքային գոտի սահմանել։ Այս մասին ասված է Գերմանիայի ԱԳՆ հաղորդագրության մեջ, փոխանցում է ՏԱՍՍ–ը։
«Սիրիայում իրավիճակը մազից է կախված։ Եթե դեռ կա հրադադար հաստատելու շանս, ապա թռիչքները միայն ժամանակավոր՝ առնվազն 3, իսկ լավագույն դեպքում՝ 7 օրով, բայց լիակատար արգելելու միջոցով»,– ասել է նա։
Շթայնմայերի կարծիքով դա պայմաններ կստեղծի Սիրիայի աջակցության միջազգային խմբի հետ կոնկրետ պայմանավորվածության հասնելու համար։ Շթայնմայերի խոսքով՝ դա կողմերին կվերադարձնի Սիրիայում անցումային կառավարություն ստեղծելու շուրջ բանակցությունների ուղուն եւ ՄԱԿ–ին հնարավորություն կտա վերականգնել հոմանիտար բեռների մատակարարումը կարիքի մեջ գտնվող անձանց։