«Սասնա ծռեր»խմբի անդամ Պավլիկ Մանուկյանին «Շտապօգնության» մեքենայով քիչ առաջ տեղափոխեցին դատարան:

NEWS.am-ի թղթակիցը հաղորդում է, որ Պավլիկ Մանուկյանին հավաքված քաղաքացիները դիմավորեցին բացականչություններով եւ «Պավլիկ, Պավլիկ» վանկարկումներով: Քիչ անց Արաբկիր եւ Քանաքեռ-Զեյթունի ընդհանուր իրավասության դատարանում կքննվի Պավլիկ Մանուկյանի կալանքի երկարացման վերաբերյալ նախաքննական մարմնի ներկայացրած միջնորդությունը:

Հիշեցնենք, որ Պավլիկ Մանուկյանն ու իր որդին հուլիսի 27-ին ոտքի հրազենային վիրավորում են ստացել ՊՊԾ գնդի տարածքում։ Նրանց մեղադրանք է առաջադրվել ՀՀ ՔՕ 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել)։