Հոկտեմբերի 16-ին կայացան ֆուտբոլի Հայաստանի Բարձրագույն խմբի առաջնության 24-րդ տուրի երկու հանդիպումներ: Չեմպիոնի կոչման համար «Փյունիկի» հետ պայքար մղող «Բանանցը» 0:2 հաշվով պարտվեց «Ուլիսին»:

«Միկան» առավելության հասավ «Կիլիկիայի» նկատմամբ: «Բանանցը» 55 միավորով գլխավորում է մրցաշարային աղյուսակը, սակայն 52 միավոր ունեցող «Փյունիկն» արդեն վաղը կարող է հասնել առաջատարին: «Ուլիսն» ունի 48, «Միկան»` 40 միավոր:

Վաղը կհանդիպեն «Փյունիկն» ու «Իմպուլսը» եւ «Գանձասարն» ու «Շիրակը»:

«Բանանց»-«Ուլիս»` 0:2
Երևան, «Հանրապետական» ստադիոն
Մրցավար` Անդրանիկ Արսենյան
Գոլերը` Արտյոմ Ադամյան, 69, Գեորգի Կրասովսկի, 73

«Կիլիկիա»-«Միկա»` 1:4
Երևան, «Հրազդան» ստադիոն
Մրցավար` Նելլի Ստեփանյան
Գոլերը` Հովհաննես Մնացականյան, 76 («Կիլիկիա»), Ալեքս Էնրիկե դա Սիլվա, 3, 61, Նարեկ Բեգլարյան, 13, Էդնեյ դե Օլիվեյրա, 27, 11մ («Միկա»)