Հայաստանում կպատրաստեն օտարերկրյա ներդրողների պաշտպանության մասին նոր օրենք։ Այս մասին սեպտեմբերի 23-ին լրագրողներին ասել է էկոնոմիկայի նախարարի պաշտոնակատար Արծվիկ Մինասյանը։
Նրա խոսքով՝ օրինագիծը պետք է պաշտպանի ոչ միայն տեղական, այլ նաեւ օտարերկրյա ներդրողներին։ Այդ պատճառով դրանում կսահմանվեն վերպետական դատական համակարգի օգնությամբ վեճերի լուծման մեխանիզմները։ «Անհրաժեշտ է նաեւ կառույց, որին մեկ պատուհանի սկզբունքով արդեն գործող ներդրողները կկարողանային դիմել ցանկացած հարցով։ Այդ խնդիրների մի մասն արդեն իրականացնում է Հայաստանի զարգացման հիմնադրամը, նրան կարող են օգնել մարզպետարանները»,– ասել է Մինասյանը։