Իսլամական քարոզիչ Ֆետհուլլա Գյուլենի մի քանի հարյուր կողմնակից հայտ է ներկայացրել Գերմանիայում ապաստան ստանալու համար, հայտնում է Die Zeit թերթը` վկայակոչելով Բեռլինում «Երկխոսություն եւ կրթություն» հիմնադրամի նախագահ Էրկան Կարակոյուին, որը ԳԴՀ-ում ներկայացնում է այդ շարժումը:
Միաժամանակ Գերմանիայում այն դպրոցները, որոնք կապ ունեն Գյուլենի շարժման հետ, այնտեղ սովորելուց հրաժարումների մեծացող թիվ են արձանագրում: Այսպես, Շտուտգարտում նման հաստատություններից մեկում 65 երեխայի ծնողներ նրանց հանել են այդ դպրոցից: Գերմանիայում նաեւ Գյուլենի կողմնակիցների անուններով ցուցակներ են շրջանառվում` բժիշկների, ռեստորանատերերի, ձեռնարկատերերի, որոնցում կոչ է արվում չօգտվել նրանց ծառայություններից, հայտնում է DW-ն:
Թուրքիայում 75-ամյա Գյուլենին մեղադրում են երկրում հուլիսի 15-ին հեղաշրջման փորձի կազմակերպման համար: Անկարան օգոստոսի սկզբին քարոզչի ձերբակալության հրաման է տվել եւ այդ ժամանակվանից ջանում է հասնել ԱՄՆ-ի կողմից նրա արտահանձնմանը: Ամերիկյան կողմն ընդգծում է, որ Վաշինգտոնը պատրաստ է հանձնել Գյուլենին, եթե թուրքական իշխանությունները բավարար ապացույցներ ներկայացնեն պետական հեղաշրջման փորձին նրա հանցակցության վերաբերյալ: