News
Լրահոս
News
Հինգշաբթի
Մարտ 28
Տեսնել լրահոսը


Հայաստանում մշակվել է նախադեպը չունեցող այլընտրանքային տրանսպորտային համակարգ՝ Share4Car։ Այն ներկայացված է DigiTec Expo տեղեկատվական տեխնոլոգիաների ցուցահանդեսում։ Ինչպես NEWS.am-ի թղթակցին ասաց Share4car ընկերության PR մենեջեր Լիլիթ Մուրադյանը, համակարգն առցանց AutoStop է, միեւնույն ուղղությամբ երթեւեկող մարդկանց կապող հարթակ:

Հարթակի գաղափարը առաջացել է տրանսպորտի թանկացման դեմ ուղղված free car քաղաքացիական ակցիայի ժամանակ, երբ վարորդներն առաջարկում էին համաքաղաքացիներին տեղափոխել իրենց երթուղու շրջանակներում:

Համակարգում կարելի է գրանցվել եւ որպես վարորդ, եւ որպես ուղեւոր: Գրանցվելով վարորդները նշում են իրենց երթուղին, մեքենայում ազատ տեղերի քանակը, ինչպես նաեւ այն գումարի չափը, որի դիմաց կկատարեն տեղափոխումը: Ընդ որում այդ գումարի չափը ընկերության կողմից սահմանվել է Երեւան քաղաքի համար 80-300 դրամ, իսկ մայրաքաղաքից դուրս՝ կիլոմետրի համար 15-20 դրամ: Լիլիթ Մուրադյանի խոսքերով հավելվածը այլընտրանքային տրանսպորտային միջոց է: «Share4Car-ն ավելի էժան է, քան տաքսի ծառայությունները եւ ավելի արագ, քան երթուղայինները»,- հավելում է նա:

Հավելվածն արդեն ունի ավելի քան 6000 օգտատեր, android եւ iOS օպերացիոն համակարգերի համար հավելվածի տարբերակները, համապատասխանաբար 3000+ եւ 1000+ ներբեռնումներով:

Հիշեցնենք, որ այսօր Երեւանում մեկնարկել է DigiTec Expo տեղեկատվական տեխնոլոգիաների ցուցահանդեսը, որի շրջանակում տեղական եւ միջազգային տեխնոլոգիական ընկերություններ այցելուներին ներկայացրին նորույթներ, նոր հավելվածների մշակումներ, տեխնիկա եւ համակարգիչներ, բջջային հավելվածներ եւ խաղեր։

!
Այս նյութը հասանելի է նաև   English
Տպել
Կարդացեք նաև
Ամբողջը
Volvo-ն թողարկել է իր վերջին դիզելային մեքենան
Սա նշանավորում է Volvo-ի 45-ամյա հարաբերությունների ավարտը դիզելային շարժիչների հետ՝ դարձնելով այն...
Audi-ն ներկայացրել է Q6 e-tron էլեկտրական քրասովերը
Գերմանիայում դրա մեկնարկային գինը կլինի նույնը, ինչ՝ վերջին Lexus RX450h+-ինը...
Նոր Mercedes-AMG GT-ն՝ չորս մխոցանի շարժիչի վարկածով
Motor.ru-ն հայտնել է, որ երկու լիտրանոց M 139 «չորսանոց»-ը հագեցած է էլեկտրական տուրբո ճնշակով...
Toyota Corolla-ն այլևս աշխարհում ամենավաճառվող մեքենան չէ
Համաշխարհային շուկայի նոր առաջատարը 2023 թվականի վերջին Tesla Model Y էլեկտրական մեքենան էր...
Սարգսյանն ու Ավագումյաններն Ուկրաինայից ավտոմեքենաներ ներկրելու խոշորագույն մենաշնորհ են ստեղծում. «Կոմպրոմատ գրուպ»
Ուկրաինացիների հետ կապերի համար Ավագումյանների նկատմամբ, ըստ աղբյուրի, դժգոհություն է եղել, իսկ Սարգսյանը զարմանալիորեն կարողացել է դրանից խուսափել․․․
Հայտնի է դարձել, թե ինչպիսին է լինելու Skoda ամենաէժան էլեկտրամեքենան
Թեև Epiq-ն ունի կոնցեպտի մոդելի կարգավիճակ, դրա օրինակը ցույց է տալիս Skoda-ի դիզայնի պարադիգմի փոփոխություն...
Ամենաշատ