Գյումրիի ավագանի են անցել 4 ուժեր՝ «Բալասանյան դաշինքը», ԲՀԿ-ն, ԳԱԼԱ-ն եւ «Հայկական վերածնունդը»: Այս մասին այսօր՝ հոկտեմբերի 3-ին, լրագրողների հետ հանդիպմանը ասաց ՀՀԿ կուսակցության փոխնախագահ Արմեն Աշոտյանը՝ նշելով, որ Գյումրիում «Բալասանյան դաշինքը» ստացել է 17 մանդատ, ԲՀԿ-ն՝ 8, ԳԱԼԱ-ն՝ 4, «Հայկական վերածնունդ» կուսակցությունը 4 մանդատ. «Գյումրիում կոնֆիգուրացիայի կարիք չկա»,-ասաց նա:
Նշենք, որ Գյումրիում ընտրողների ընդհանուր թիվը կազմում է 125 983 մարդ, որից ընտրություններին մասնակցել է 45 670-ը, կամ 36,25 տոկոսը:
Տոկոսային հարաբերությամբ պատկերը հետեւյալն է.
«Բարգավաճ Հայաստան»` 21,66 տոկոս,
«Հայկական վերածնունդ»՝ 10,62 տոկոս,
«Քաղաքացիական պայմանագիր»` 1,48 տոկոս,
«Գյումրեցու ոգի»` 5,74 տոկոս,
ՀԱԿ` 1,09 տոկոս,
ՀՅԴ` 5,36 տոկոս,
«Համախմբում»` 5,72 տոկոս,
«Գործարար»՝ 1,29 տոկոս,
ԳԱԼԱ` 10,47 տոկոս,
«Ալյանս»` 1,79 տոկոս: