Գյումրիում այսօր՝ հոկտեմբերի 4-ին, մահացած 11-ամյա աշակերտի ինքնազգացողությունը վատացել է ֆիզկուլտուրայի դասաժամին, նա ուշագնաց է եղել, երբ նստած է եղել սպորտդահլիճի նստարանին: Այս մասին NEWS.am-ի հետ զրույցում ասաց «Օյունջյան» դպրոց-վարժարանի տնօրեն Հասմիկ Անդրիասյանը:
«Մենք դասալսման էինք, նախարությունից ստուգող էր եկել, դահլիճում էինք, աշակերտները նստած էին, դուրս եկանք, միջանցքի կեսն էլ չէինք անցել, հետեւներիցս վազեցին, թե աշակերտի ուշքը գնացել է: Վազել ենք, տեսել, որ երեխան նստած տեղից ընկել է, արագ «Շտապօգնություն» կանչեցինք, տարան հիվանդանոց»,- ասաց Հասմիկ Անդրիասյանը:
Նշենք, որ 11-ամյա Սարգիսը դպրոցի լավ սովորող աշակերտներից էր: Նրա մահվան հանգամանքները պարզվում են: