Հայաստանի իշխանությունները քննարկում են հալեպահայերին Հայաստան տեղափոխելու հարցը: Այս մասին NEWS.am-ի թղթակցին ասաց Ազգային ժողովի ՀՀԿ խմբակցության ղեկավար Վահրամ Բաղդասարյանը:
«Հնարավորինս պետք է օգտակար լինենք մեր հայրենակիցներին: Կոնկրետ ժամկետները Հայաստանյան կողմից չեն միայն կախված, դրանք լուրջ բանակցային գործընթացներ են եւ մենք այդ հարցով զբաղվում ենք»,- ասաց Վահրամ Բաղդասարյանը:
Հիշեցնենք, որ Հալեպի հայաբնակ թաղամասերի հրթիռակոծումը սկսվել էր սեպտեմբերի 30-ին։ Դրա հետեւանքով զոհվել էր 5 հայ՝ Արման եւ Միրեյ Հինտոյանները, Ծիլա Ճապաղջուրյանը, Հասմիկ Կիրակոսյան-Փերեչիքլյանը, Պիեռ Հարիրոն:
Վիրավորում են ստացել 13 հայ: