Հայաստանը ռուսական «Ռոսօբորոնէքսպորտ» պետական ընկերությանը 420 մլն ռուբլի կվճարի մատակարարումների հաշվեհամարին: Այս մասին որոշումն ընդունվել է հոկտեմբերի 6-ին կառավարության նիստում:
Ինչպես հայտարարել է պաշտպանության նախարար Վիգեն Սարգսյանը, Հայաստանն արդեն 4 մլրդ 204 մլն ռուբլի ընդհանուր գումարով 6 պայմանագիր է կնքել, որի 10 տոկոսը պետք է որպես կանխավճար ներդնի:
Հիշեցնենք, որ 2016-ի փետրվարին Ռուսաստանի կառավարությունը համաձայնագիր է ստորագրել Հայաստանին 200 մլն դոլարի պաշտպանական վարկ տրամադրելու մասին, որի շրջանակում էլ սպառազինություն է մատակարարվում:
