Քաղաքականություն վերադառնալու որոշումը Գագիկ Ծառուկյանինն է: Այսօր Ազգային ժողովում NEWS.am-ի հետ զրույցում ասել է ՀՀԿ խմբակցության ղեկավար Վահրամ Բաղդասարյանը:
«Մենք որեւէ մեկին քաղաքականությունից չենք հեռացնում, պարզապես հորդորում ենք, որ յուրաքանչյուր մարդ զբաղվի իր գործով»,-ասել է Բաղդասարյանը՝ նշելով, որ եթե մտնում են քաղաքականություն, պետք է լուրջ հաշվի նստեն այդ քաղաքականության հետ:
Հիշեցմանը, որ հենց իրենք էին Ծառուկյանին «չարիք» որակել քաղաքական դաշտում, Բաղդասարյանն արձագանքեց. «Բայց ի՞նչ է պատահել, ինչ որ բան փոխվե՞լ է: Հիմա քաղաքականության մե՞ջ է այդ մարդը, եթե գա այդ ժամանակ կխոսենք»:
ՀՀԿ խմբակցության ղեկավարն ասել է, որ չի հավատում ԲՀԿ-ականների ասածներին, թե Ծառուկյանի վերադարձի անհրաժեշտություն կա. «Երբ կլինի հայտարարություն, նոր կհավատանք»:
«Ես հավատում եմ իր խոսքին», -նշել է Բաղդասարյանը: