Հայաստանում անհրաժեշտ է օպտիմալացնել թոշակների եւ նպաստների նշանակման առաջարկները։ Այս մասին հոկտեմբերի 13-ին Կառավարության նիստում ասել է վարչապետ Կարեն Կարապետյանը։
Վարչապետի խոսքով՝ սոցիալական ապահովության պետական ծառայություններն, ընդհանուր առմամբ, պետք է ավելի հասանելի դառնան։ Նա Աշխատանքի եւ սոցիալական հարցերի նախարարին հանձնարարել է առաջարկներ կազմել, որոնցով թոշակ եւ նպաստ ստանալու համար կարելի կլինի դիմել տարածքային սոցապ ծառայություն՝ անկախ հաշվառման վայրից։ «Բացի այդ, պետք է թեթեւացնել երեխայի խնամքի նպաստի դիմումների կարգը։ Դրանք պետք է թույլատրել օնլայն ռեժիմով»,– ասել է վարչապետը։