Սպորտն ու առողջ ապրելակերպը պետք է Հայաստանի քաղաքացիների կենցաղի մաս դառնան: Հոկտեմբերի 13-ին կայացած կառավարության նիստում այս մասին հայտարարեց ՀՀ վարչապետ Կարեն Կարապետյանը:
Նա սպորտի եւ երիտասարդության հարցերի նախարարին հանձնարարեց ուսումնասիրել, թե որքանով արդյունավետ է սպորտային կազմակերպությունների եւ ծրագրերի այժմյան ֆինանսավորումը:
Ըստ վարչապետի՝ չհիմնավորված ծախսերը հարկավոր է կրճատել, իսկ տնտեսած միջոցներն ուղղել սպորտի եւ առողջ ապրելակերպի ժողովրդականացմանը:
