Երեւանում հոկտեմբերի 27-ին մեկնարկել է «Արեւելյան ներդրումներ 2» ծրագրի գործընկերների ամենամյա գիտաժողովը։
Միջոցառմանը բացման խոսքով հանդես կգան Հայաստանի տնտեսական զարգացման եւ ներդրումների նախարար Սուրեն Կարայանը, «Արեւելյան ներդրումներ 2» ծրագրի ղեկավար Ստանիսլավ Դասկարովը, Եվրահանձնաժողովի՝ հարեւանության եւ ընդլայնման հարցերով բանակցությունների գլխավոր տնօրինության ստորաբաժանման ղեկավար Մեթյու Բուսկեն, ՓՄՁ եվրոպական կազմակերպության (UEAPME) տնօրեն Լյուկ Հենդրիկսը, Հայաստանի առեւտրաարդյունաբերական պալատի ղեկավար Մարտին Սարգսյանը։
Նշենք, որ 2011–ի սկզբից Հայաստանի առեւտրաարդյունաբերական պալատը սկսել էր իրականացնել «Արեւելյան ներդրումներ 2» ծրագիրը, որը համաֆինանսավորում է ստանում Եվրահանձնաժողովի կողմից «Արեւելյան գործընկերության» նախաձեռնության շրջանակում։ Այն ուղղված է բիզնես կազմակերպությունների աջակցությանն եւ ՓՄՁ օժանդակությանը։