ԵԽԽՎ մոնիտորինգի հանձնաժողովի համազեկուցողների այցը Ադրբեջան, որը նշանակվել էր այս տարվա նոյեմբերին, հետաձգվել է։ Այս մասին Report–ին հայտնել են ԵԽԽՎ համազեկուցողներ Շտեֆան Շեննահն ու Սեզար Ֆլորին Փրեդան։
Շեննահի խոսքով՝ այցը հետաձգվել է համազեկուցողների աշխատանքային գրաֆիկի պատճառով։ Փրեդան իր հերթին հայտնում է, որ համազեկուցողների այցը Ադրբեջան կարող է կայանալ հունվարին։ Ընդ որում, նա նշել է, որ պատրաստվում է առաջադրվել դեկտեմբերի 11-ին կայանալիք Ռումինիայի խորհրդարանական ընտրություններում։
Ռումինիայում պատգամավոր չընտրվելու դեպքում նա կզրկվի ԵԽԽՎ պատգամավոր մանդատից։